एजेन्सी ।
इन्डियन प्रिमियर लिग (आइपिएल) को २९ औं खेलमा चेन्नई सुपर किंग्सले सनराइजर्स हैदराबादमाथि २० रनको उत्कृष्ट जित निकालेको छ ।
जितको लागि १ सय ६८ रनको विजयी लक्ष्य पछ्याएको हैदराबादले २० ओभरमा ८ विकेटको क्षतिमा १ सय ४७ रन बनायो । हैदराबादलाई जितको लागि अन्तिम ओभरमा २२ रन आवश्यक थियो । ड्वेन ब्राभोले अन्तिम ओभरमा १ विकेटका साथ मात्र १ रन दिँदै महत्वपूर्ण दुई अंक पक्का गराए । हैदराबादका मध्यक्रमका ब्याट्सम्यान केन विलियम्सनले ३९ बलमा ७ चौका सहित सर्वाधिक ५७ रन जोडेपनि जितको लागि पर्याप्त रहेन ।
त्यसअघि दुबई इन्टरनेशल क्रिकेट स्टेडियममा टस जितेर ब्याटिङ रोजेको चेन्नईले निर्धारित २० ओभरमा ६ विकेटको क्षतिमा १ सय ६७ रन बनाएको थियो । चेन्नईले अन्तिम पाँच ओभरमा ५१ रन जोड्दा ४ विकेट गुमाएको थियो । अलराउन्डर रविन्द्र जडेजाले तल्लोक्रममा आक्रामक रुपमा रन जोड्दै १० बलमा ३ चौका र १ छक्का सहित २५ रनमा अविजित रहे ।
यो चेन्नईको आठौं खेलमा तेस्रो जित हो । चेन्नईले अव आफ्नो नवौं खेल दिल्ली क्यापिटल्ससँग शनिबार शारजाहमा खेल्ने छ । हैदराबादले आफ्नो नवौं खेलमा अव आइतबार कोलकाता नाइट राइडर्ससँग खेल्ने छ ।
प्रतिक्रिया