कपिलवस्तुको कोठी नदीमा युवकको शव फेला

मायादेवी अनलाइन, तौलिहवा ।
कपिलवस्तुको शुद्धोधन गाउँपालिका–५ घेराउजोतस्थित कोठी नदीमा एक युवकको शव फेला परेको छ । नदीको बीच भागमा रुपन्देही लुम्बिनी सांस्कृतिक नगरपालिका १ खुनगाइका जोगि यादवका १८ वर्षीय छोरा दिपक यादव मृत अवस्थामा फेला परेका हुन् ।

मृतक युवक गत असोज १८ गतेबाट बेपत्ता भएका थिए । मृतकको शव सडेगलेको अवस्थामा फेला परेको र मृतकका बुवाले कपडाको आधारमा शव पहिचान गरेको प्रहरी नायव उपरिक्षक धर्मराज भण्डारीले बताए ।

घटनास्थलमा कानुनी प्रक्रिया पुरा गरी शव पोस्टमार्टमका लागि जिल्ला अस्पताल तौलिहवा पठाईएको छ । घटनाको थप अनुसन्धान भई रहेको भण्डारीले बताए ।