काठमाण्डौ ।
त्रिभुवन विश्वविद्यालयको समाजशास्त्र केन्द्रीय विभागका उपप्राध्यापक प्रेम चलाउनेलाई कुटपिट गर्ने दुई जनालाई प्रहरीले पक्राउ गरेको छ ।
उपप्राध्यापक चलाउनेमाथि घरेलु हतियारले आक्रमण गरेर गम्भीर घाइते बनाउने सिरहाका रुपेश साह काठमाण्डौको कोटेश्वरबाट र सिरहाकै रविन लामा उनको घरबाटै पक्राउ परेको महानगरीय प्रहरी परिसर टेकुले जनाएको छ । उनीहरुमाथि कानुनी कारबाही अघि बढाइएको प्रहरीले जनाएको छ ।
गएको असोज २० गते उनीहरुले उपप्राध्यापक प्रेम चलाउनेलाई आक्रमण गरेर गम्भीर घाइते बनाएका थिए । चलाउनेको अहिले उपचार भइरहेको छ ।
प्रतिक्रिया