नवलपरासीमा चार जना जुवाडे पक्राउ

नवलपरासी ।
एक लाख ५८ हजार नगदसहित जुवातास खेल्दै गरेका चार जना नवलपरासीमा पक्राउ परेका छन् । जिल्ला प्रहरी कार्यालय नवलपरासी (बर्दघाट सुस्तापूर्व) नवलपुरले मध्यबिन्दु नगरपालिका २, कोल्हुवाको एक होटलबाट उनीहरुलाई पक्राउ गरेको हो ।

पक्राउ पर्नेमा हेमकान्त चौधरी, बबरजंग चौधरी, विवेक थनेत र अरुण भण्डारी रहेका जिल्ला प्रहरी कार्यालय नवलपुरका प्रहरी नायब उपरीक्षक मोहनबहादुर खाँणले बताउनुभयो ।

उनीहरुको साथबाट एक लाख ५८ हजार नगद बरामद गरिएको प्रहरी नायब उपरीक्षक खाँणले जानकारी दिनुभयो ।