आजबाट ओदारीमा खुल्ला व्याडमिन्टन प्रतियोगिता, ८० खेलाडी सहभागी

मायादेवी अनलाइन, चार नम्बर ।
कपिलवस्तुको बाणगंगा नगरपालिका वडा नम्बर ११ स्थित ओदारी कभर्ड हलमा आजबाट खुल्ला व्याडमिन्टन प्रतियोगिता सुरु हुँदै छ । ओदारी ब्याडमिन्टन संघको आयोजनामा पहिलोपटक बाणगंगा नगरस्तरीय प्रथम वडाकप खुल्ला प्रतियोगिता हुन लागेको हो ।

आज विहान १० बजेबाट ओदारी कभर्ड हलमा सुरु हुने प्रतियोगितामा ४० जोडी अर्थात् ८० खेलाडीले भाग लिएका छन् । खेल अघि कभर्ड हलको उद्घाटन हुने बताइएको छ । खुल्लातर्फ ३३ र ४० बर्ष माथिका ५ टोलीले भाग लिएको खेल संयोजक राजेश चौधरीले जानकारी दिनुभयो ।

संघका अध्यक्ष मनोहर कुमार योगीका अनुसार समुहबाट विजयी हुने टोलीले १६ हजार र उपविजेता टोलीले ८ हजारसहित शिल्ड, मेडल र प्रमाण पत्र पाउने छन् ।