मायादेवी अनलाइन, चार नम्बर ।
कपिलवस्तुको बाणगंगा नगरपालिका वडा नम्बर ११ स्थित ओदारी कभर्ड हलमा भोली (असोज २४) गतेबाट खुल्ला व्याडमिन्टन प्रतियोगिता सुरु हुने भएको छ । ओदारी ब्याडमिन्टन संघको आयोजनामा पहिलोपटक बाणगंगा नगरस्तरीय प्रथम वडाकप खुल्ला प्रतियोगिता हुन लागेको हो ।
नेपालीहरुको महान चाड विजयादशमीको सु अवसरमा आयोजना हुने प्रतियोगितासंगै कभर्ड हलको पनि उद्घाटन हुने अध्यक्ष मनोहर कुमार योगीले जानकारी दिनु भयो । २ दिनसम्म चल्ने प्रतियोगितामा नगरभित्रका ४० बढी जोडीले भाग लिने अनुमान गरिएको योगीले बताउनु भयो । प्रतियोगिताको लागि आज साँझ ६ बजेसम्म नाम दर्ताको समय तोकिएको खेल संयोजक राजेश चौधरीले बताउनु भयो ।
प्रतियोगीतामा भाग लिने टोलीलाई युवा र प्रौढ गरी दुई समुहमा विभाजन गरिएको छ । ४० बर्ष मुनीका र माथि गरी विजयी हुने दुवै टोलीले १६ हजार र उपविजेता टोलीले ८ हजारसहित शिल्ड, मेडल र प्रमाण पत्र पाउने छन् ।
वडा नम्बर ११ को सहयोग र समन्वयमा हुने प्रतियोगिताको उद्घाटन सत्रमा पूर्व कृषिमन्त्री चन्द्र प्रकाश खनाल बलदेव, प्रदेश सांसद विष्णु पन्थी लगायतको सहभागिता हुने क्लवले जनाएको छ ।
प्रतिक्रिया