भिल्ला रियलसंग रोकियो एट्लेटिको मड्रिड

एजेन्सी ।

स्पेनिस ला लिगा फुटबलमा एट्लेटिको मड्रिड बराबरीमा रोकिएको छ ।उपाधिको दाबेदार मानिएको एट्लेटिको शनिबार भिल्ला रियलसँग गोलरहित बराबरीमा रोकिएको हो ।

घरेलु मैदानमा बल पोजिसनमा पकड जमाएपनि गोल गर्न नसक्दा एट्लेटिकोले अंक बाड्नु परेको हो । एट्लेटिकोका केहि उत्कृष्ट प्रहारहरु भिल्लाका गोलकिपरले बचाउ गरेका थिए ।

बार्सिलोनाबाट यसै सिजन क्लब आएका लुइस सुआरेज लगातार दोस्रो खेलमा गोल गर्न चुके । डेब्युमा उनले दुई गोल गरेका थिए । यस्तै भिल्लाले पनि खेलमा केहि गोलको अवसर खेर फालेको थियो ।

यस सिजन एट्लेटिकोले लगातार दोस्रो खेलमा बराबरी खेलेको हो । यस अघि हुएस्कासँग पनि गोलरहित बराबरी खेलेको थियो । बराबरीसँगै एट्लेटिकोले ३ खेलमा ५ अंक जोडेको छ । एट्लेटिको लिगको ११ औं स्थानमा रहेको छ ।

भिल्ला ५ खेलमा ८ अंक जोडेर दोस्रो स्थानमा रहेको छ । अर्को खेलमा आइबरले रियल भालाडोलिटलाई २- १ गोल अन्तरले पराजित गरेको छ ।