मायादेवी अनलाइन, चार नम्बर ।
नेपाल कम्युनिष्ट पार्टी (नेकपा) कपिलवस्तुका अध्यक्ष झविलाल पोख्रेलले प्रदेश ५ को स्थायी राजधानी कपिलवस्तु बनाउनुपर्नेमा जोड दिनुभएको छ ।
ऐतिहासिक तथा पुरातात्विक दृष्टि र सबैको बीच भागमा पर्ने हिसाबले प्रदेशको राजधानी कपिलवस्तु बनाउनुपर्नेमा आफुहरुको जोड रहेको अध्यक्ष पोख्रेलले मायादेवी अनलाइनलाई बताउनुभयो ।
‘बुद्धकालिन ऐतिहासिक महत्वको भूमि र सबैको बीच भागमा पर्ने जिल्ला कपिलवस्तु भएकाले प्रदेशको राजधानी यही हुनुपर्छ भन्ने हाम्रो जोडदार माग हो अध्यक्ष पोख्रेलले भन्नुभयो, ‘नेताहरुसंग यही प्रमाण पेश गरेर राजधानी मागिरहेका छौं ।’
यद्यपि पार्टीले सरकारले तोकेको भालुवाङ लगायतको क्षेत्रमा राजधानी बनाउने निर्णय गरे कपिलवस्तु पार्टीले स्विकार गर्ने उहाँले स्पष्ट पार्नुभयो । ‘हामीले कपिलवस्तु राजधानी जोडतोड हुनुपर्छ भनेका छौं, तर पार्टीले अन्तिम निर्णय जे गर्छ त्यसैलाई मान्नुको बिकल्प छैन्, उहाँले भन्नुभयो ।’
प्रतिक्रिया