आधा किलो सुनसहित कपिलवस्तुमा दाजु बहिनी पक्राउ

मायादेवी अनलाइन, तौलिहवा ।

प्रहरीले कपिलवस्तुको मायादेवी गाउँपालिका-५ बनकछियाबाट आधा किलो सुन बरामद गरेको छ ।

विशेष सूचनाका आधारमा प्रहरीले कपिलवस्तुबाट भारततर्फ लादै गरेको आधा किलो सुन बरामद गरेको हो । सुनसँगै प्रहरीले ३४ वर्षीय पवनकुमार गुप्ता र उनकी १५ वर्षीया बहिनी लाई पक्राउ गरेको छ ।

कपिलवस्तुबाट लु ५६ प ६३१० नम्बरको मोटरसाइकलमा भारततर्फ जाँदै गरेका दाजु बहिनीको साथबाट आधा किलो सुन बराबद भएको हो ।

बरामद सुन र पक्राउ परेका दाजुबहिनीलाई थप अनुसन्धानका लागि जिल्ला प्रहरी कार्यालय तौलिहवा ल्याइएको छ ।