कपिलवस्तुमा ३ जना संक्रमित थपिए

मायादेवी अनलाइन, जितपुर ।
कपिलवस्तुमा बिहीबार ३ जना कोरोना संक्रमित थपिएका छन् । स्वास्थ्य कार्यलय कपिलवस्तुका अनुसार वाणगंगा नगरपालिकामा २ र यशोधरा गाउँपालिकाका एक जनामा संक्रमण पुष्टि भएको छ ।

विहीबार वाणगंगामा थपिएका २ जना पुरुष रहेका छन् । वडा ८ का २९ बर्षीय पुरुष र वडा नम्बर ५ का ३३ बर्षीय पुरुष रहेको वाणगंगाका स्वास्थ्य शाखा प्रमुख ठगराज पौडेलले जानकारी दिनुभयो ।

यो संगै जिल्लामा संक्रमितको संख्या १३ सय ३९ पुगेको छ । जसमा १२ सय २४ जना निको भएका छन् भने अहिले जिल्लामा सक्रिय संक्रमितको संख्या १ सय २ छ । यस्तै जिल्लामा कोरोना संक्रमणबाट १२ जनाको मृत्यु भएको छ ।