डुबेको अवस्थामा कपिलवस्तुको विजयनगरमा एक बृद्ध मृत फेला

मायादेवी अनलाइन, विजयनगर ।
कपिलवस्तुको विजयनगरमा ६० बर्षीया पुरुष मृत अवस्थामा फेला परेका छन् । गाउँपालिकाको वडा नं. १ गोबरहवाको बिशवा खोलामा डुबेको अवस्थामा बृद्धा मृत भेटिएको प्रहरीले जनाएको छ । मृत भेटिएका स्थानीय राम समुझ थारु रहेको प्रहरीले जनाएको छ । उनी बुधवार बिहान ७ बजे भेटिएका हुन् ।

उनी मंगलवार साँझ ६ तिर झारफूक गर्न छिमेकी गाउँ नौडिहवा गएका र घरमा आई मदिरा सेवन गरी घरदेखि १ किलो मिटरमा रहेको गाई गोठमा गएका थिए ।

राती अबेरसम्म घरमा फर्की नआएपछि परिवारले खोजतलास राती नै गरे पनि भेटिएका थिएनन् । अर्को दिन फेरी खोज तलास गर्दा गोठदेखि ५ सय मिटर दक्षिणतर्फ रहेको बिशवा खोलाको पानीमा डुबेको मृत अवस्थामा फेला परेको इलाका प्रहरी कार्यालय गणेशपुरले जानकारी दिएको छ ।

राति खोलामा आएको बाढीले बगाएको जनाइएको छ । शवलाई जिल्ला अस्पताल तौलिहवाबाट पोष्टमार्डम गरी परिवारलाई बुझाइएको छ ।