गुडिरहेको जीपमाथि पहिरो खस्दा चालकको मृत्यु

काठमाडौं ।

काठमाडौंबाट मकवानपुर जाँदै गरेको जीपमा पहिरो बस्दा एक जनाको मृत्यु भएको छ।

मकवानपुर प्रहरी कार्यालयका प्रहरी नायब उपरीक्षक डिएसपी इन्द्रबहादुर रानाका अनुसार बुधबार इन्द्रसरोवर गाउँपालिका २ देउरालीमा बा १७ च ४८७४ नम्बरको स्कोर्पिओमाथि ढुङ्गामाटो सहितको पहिरो खसेको हो। पहिरोले पुरिएपछि चालक बारा पर्सौनी गाउँपालिका ४ का ४० वर्षीय युनिश आलमको मृत्यु भएको हो।

डिएसपी रानाका अनुसार उनको घटनास्थलमै मृत्यु भएको थियो। शव पोष्टमार्टमको लागि हेटौंडा लगिएको छ।