अर्घाखाँचीमा पहिरोले गोठ भत्काउँदा दुई भैंसी मरे

बिष्णु कुमार आले, अर्घाखाँची ।
दुईदिन देखि लगातार परेको बर्षाले पहिरो जाँदा अर्घाखाँचीको मालारानीमा २ वटा भैंसी मरेका छन् । मालारानी ५ बस्ने डबल प्रसाद भुसालको गोठ बुधबार बिहान पहिरोले पुर्दा २ वटा भैंसी मरेको प्रहरीले जनाएको छ ।

गोठमा रहेको एउटा भैसीको पाडालाई भने गाउँलेले जिवितै उद्दार गरेका थिए । त्यस्तै जिल्लाको विभिन्न स्थानमा पहिरो जानुका साथै कच्ची घरका गाह्रो भत्किएका छन् । वर्षा निरन्तर भैरहेकाले सुरक्षित रहन समेत अनुरोध गरिएको छ ।