दाङमा खोलाले बगाउँदा एक बालिकाको मृत्यु

दाङ ।
दाङको बंगलाचुली गाउँपालिका-७ मा पर्ने नेवारे खोलाले बगाउँदा एक बालिकाको मृत्यु भएको छ । बंगलाचुली गाउँपालिका-८, सियाँला घर भई गाउँपालिका ७ गासीमा रहेको मामा घर जाँदै गरेकी भोजा सुनारकी ६ वर्षीया छोरी कविता सुनारको मृत्यु भएको वडा नम्बर ८ का वडाध्यक्ष गिरराज बाँठाले जानकारी दिए। सोमवार बेलुका करिब ६ बजे खोलाले बगाएर सुनारको मृत्यु भएको हो।