गुल्मी पहिरोमा पुरिएका दुईजनाकै शव फेला

गुल्मी ।
पहिरोमा परेर बेपत्ता भएका गुल्मीका दुईजनाको शव फेला परेको छ । सोमबार राति करिब ८ बजे इश्मा गाउँपालिका–२ छल्दीपनाहा रातडाँडा सडकमा पहिरोमा पुरिएका इश्मा–२ स्यालाका ३९ वर्षीय प्रेमबहादुर कुमाल र ६ वर्षीय सफल कुमालको शेव फेला परेको छ ।

प्रेमबहादुरको सडकदेखि ५० मिटर तल मंगलबार बिहान शब फेला परेको हो । सफलको बिहान करिब १० बजे सोही स्थानमै शव फेला परेकोे जिल्ला प्रहरी कार्यालय गुल्मीका प्रहरी नायब उपरीक्षक केदारराज पन्तले जानकारी दिए ।

उनीहरु पैदल हिँडिरहेका बेला सडकमाथिबाट झरेको पहिरोले पुरेको बताइएको छ । दुवै शवलाई पोष्टमार्टमका लागि तम्घास अस्पताल गुल्मीमा ल्याइएको प्रहरीले जनाएको छ ।