कपिलवस्तुका ८ जना इन्स्पेक्टरको एकै पटक सरुवा

मायादेवी अनलाइन, चार नम्बर ।
कपिलवस्तुमा एकै पटक आठ जना प्रहरी निरिक्षक (इन्स्पेक्टर)को सरुवा भएको छ । जिल्लाका विभिन्न प्रहरी इकाईमा कार्यरत इन्स्पेक्टरहरुको एकै पटक सरुवा भएको हो ।

प्रहरी प्रधान कार्यालयले देशभरका इन्स्पेक्टरको सरुवा गरेसंगै कपिलवस्तुका इन्स्पेक्टरको पनि सरुवा भएको हो । विशेष गरी इन्स्पेक्टरको एक एक बर्षमा सरुवा गर्ने परिपाटी छ ।

जिल्लाबाट सरुवा हुने इन्स्पेक्टरमा जिल्ला प्रहरी कार्यालयका दुई जना रहेका छन् । जसमा अमृत भण्डारी र रमेश विष्ट रहनुभएको छ ।

यस्तै जिल्ला ट्राफिक प्रहरी कार्यालयका प्रमुख (प्रहरी निरिक्षक) टक्कर स्वाँर पनि सरुवा हुनुभएको छ भने इलाका प्रहरी कार्यालय पिपराका आयुश कुमार जोशीको पनि सरुवा भएको छ ।
इलाका प्रहरी कार्यालय कृष्णनगरका प्रताप पौडेल, इलाका प्रहरी कार्यालय गणेशपुरका मधु नेपाल, इलाका प्रहरी कार्यालय सुन्दरीडाँडाका मधुसुदन सिंह र इलाका प्रहरी कार्यालय पकडीका गणेश सुवेदीको सरुवा भएको हो ।

जिल्लाबाट प्रहरी निरिक्षकहरु सरुवा भएपनि ती ठाउँमा नयाँ प्रहरी निरिक्षक प्रहरी प्रधान कार्यालयले पठाइसकेको छ । यद्यपि नयाँ प्रहरी निरिक्षक केही दिनभित्र आउने आशा छ ।