भाइरल जिया भुसालको अभिनय रहेको पहिलो म्यूजिक भिडियो “रातो धागो”

विमल गैरे, चार नम्बर ।
अद्भुत कला प्रर्दशन गरेर सामाजिक सञ्जालमा भाइरल भएकी ६ बर्षीया जिया भुसालले पहिलो पटक म्युजिक भिडियोमा अभिनय देखाउने मौका पाएकी छिन् ।

युकेजीमा अध्ययनरत भुसालको ६ बर्षकै उमेरमा किताब नहेरी फरर सामान्य ज्ञान, प्रदेशका नाम, विभिन्न मन्त्रिहरुको नाम भन्न सक्ने जिया नाच्न र गाउन समेत रुची राख्थीन् ।

बिष्णु भट्टराईले निर्देशन गर्नुभएको दशैँ गीत “रातो धागो” मार्फत कलाकारितामा अघि बढाएको भट्टराईले मायादेवी अनलाइनलाई बताउनुभयो । भट्टराई जियाको आफ्नै मामा समेत हुनुहुन्छ ।

मोफसलमै बसेर म्युजिक भिडियो, टेलिशिरियल, वृत्तचित्र निर्माण निर्देशन, छायांकन, सम्पादन गर्ने भट्टराईले धेरै कलाकारको मन समेत जितिसकेका छन् । हिन्दु नेपालीहरुको मुख्य चार्ड बडा दशैंको अवसरमा परदेशिएका युवाको कथालाई समेटिएकोे दशैँ गीत “रातो धागो” मा पूर्णकला बिसी र नारायण थापाको आवाज रहेको छ ।

कृष्ण थापाको शब्द र नारायण थापाको लय रहेको उक्त गीतको म्युजिक भिडियोलाई बिष्णु भट्टराईले निर्देशन गरेका छन् । भिडियोमा सन्तोष शर्मा, परि शर्मा, जिया भुसाल लगाएतका कलाकारको अभिनय रहेको छ । दशै गीत “रातो धागो” को पुरा भिडियो हेर्नको लागि लिंकमा क्लिक गर्नुहोस ।