कपिलवस्तुको इमिलिया–डुमरामा सवारी दुर्घटना, एक जनाको घटनास्थलमै मृत्यु

मायादेवी अनलाइन, चार नम्बर ।
कपिलवस्तुको बुद्धभूमि नगरपालिकामा आइतबार साँझ भएको सवारी दुर्घटनामा परि एक जनाको मृत्यु भएको छ ।
महेन्द्र राजमार्ग अन्तर्गत वडा नम्बर ९ इमिलिया–डुमरामा साँझ साढे ७ बजेतिर भएको दुर्घटनामा एक जनाको घटनास्थलमै मृत्यु भएको हो । मृत्यु हुनेमा सोही स्थानका अन्दाजी ५० बर्षीया रामधनी थारु रहनुभएको जनाइएको छ ।
पूर्वबाट पश्चिम जाँदै गरेको लु १ च ५४४८ नं. को बोलेरो जीपले विपरित दिशाबाट आउँदै गरेको लु १० प ५९२४ नं. को मोटरसाइकललाई ठक्कर दिदाँ मोटरसाइकलमा सवार थारुको मृत्यु भएको हो ।
सडकमा घाँस बोकेको साइकललाई जागाउन खोज्दा मोटरसाइकललाई जीपले ठक्कर दिएको प्रत्यक्षदर्शी कृष्ण खनालले बताउनुभयो ।
घटनास्थलमा इलाका प्रहरी कार्यालय गोरुसिंगेको टोली पुगेको छ । घटनाको थप अनुसन्धान भैरहेको प्रहरीले जनाएको छ ।