बुटवलको नयाँ गाउँमा पिकअप भ्यान जुधे, एउटा सडकमा, अर्को घरमा उछिट्टियो (भिडिओ)

मायादेवी अनलाइन, चार नम्बर ।

बुटवल उपमहानगरपालिका ११ नयाँ गाउँमा आइतबार २ वटा पिक अप भ्यान एक आपसमा जुधेका छन् । अपरान्ह ४ बजे पूर्वपश्चिम राजमार्गमा गुडिरहेको अवस्थामा बुटवलबाट पश्चिमतर्फ आइरहेको लु २ च, ४५८ नम्बरको पिकअप जिप र बा १३ च ७९९९१ नम्बरको पिक अप जिप जुधेका हुन् । दुर्घटनामा परी लु २ च ४५८ नम्बरको जीपका चालक घाइते भएका छन् भने अर्का जिपका चालक सकुशल छन् । घाइते चालकको लुम्बिनी प्रादेशिक अस्पपताल बुटवलमा उपचार भइरहेको बुटवल प्रहरीले जनाएको छ । घाइते चालकको नाम खुलेको छैन ।

सकुशल रहेका चालक राम प्रसादले भगवान् भरोसाले बाँच्न सफल भएको मायादेवी अनलाइनसंग बताए । उनीसंगै चितवनका अरु २ जना पनि दुर्घटनाबाट बाँच्न सफल भएको मायादेवीलाई बताए । उनी लु २ च ४५८ नम्बरको जीप चालक हुन् । जुधेपछि एउटा सडकमा पल्टिएको थियो भने अर्को असन्तुलित हुँदै करिब ५० मिटर पर एक घरको आँगनमा पुगेको थियो । दुवै जिपमा क्षति पुगेको छ ।

सडकबीचमा जीप पल्टिएकाले करिब २० मिनेट सवारी आवागमन पनि अवरुद्ध हुन पुगेको थियो । केही छिनपछि प्रहरी आई दुवै जिपलाई नियन्त्रणमा लिएर आवश्यक अनुसन्धानको लागि बुटवल लगेको छ । कोरोनाको कहरपछि बन्द सवारी खुले लगत्तै दुर्घटना पनि बढ्न थालेकाले हतार नगर्न प्रहरीले सबैलाई अनुरोध गरेको छ ।