चार जना बिपन्न परिवारले पाए घुम्ती रिक्सा

मायादेवी अनलाइन, तौलिहवा ।
कपिलवस्तुको तौलिहवास्थित एक संस्थाले गरीब तथा बिपन्न परिवारलाई घुम्ती रिक्सा (ठेला ) बाँडेको छ । तौहिलवामा एक कार्यक्रमका बीच नेपाल डेभलवमेन्ट सोसाईटीले ४ जना बिपन्न परिवारलाई आयआर्जनमा सहयोगका लागि ठेला दिएको हो ।

अल रहमा कुबेतको आर्थिक सहयोगमा इस्लामिक संघ नेपाल कपिलवस्तु शाखाको सहजीकरणमा ठेला हस्तान्तरण गरिएको थियो ।

संघका जिल्ला सचिव माहोम्मद अनवारुल हक तथा सोसाईटीका फिल्ड अफिसर सद्दाम हुसेनले ठेला बाड्नुभएको थियो ।

सचिव हकले परिवारलाई ठेला हस्तान्तरण गर्दै यसले बिपन्न परिवारलाई गुजारा चलाउन मद्दत मिल्ने बिश्वास ब्यक्त गर्नुभयो । उहाँले प्राप्त ठेलाको सही सदुपयोग गर्न आग्रह गर्नुभएको छ ।

सोही अवसरमा फिल्ड अफीसर हुसेनले बिपन्न परिवारको पहिचान गरी ठेला उपलब्ध गराइएको बताउनुभयो । ४० हजार मुल्यको ठेलासहीत नगद २ हजार समेत प्रदान गरिएको थियो ।

ठेला पाएका चार जनाले नै फलफूल बिक्री गर्ने बताएका छन । अहिलेसम्म कपिलवस्तुमा सो संस्थाले ६५ बिपन्न परिवारलाई ठेला दिएको जनाएको छ । ठेला पाएर निकै खुशी भएका छन् ।