टोटेनहम फर्किएका बेलले ९ नम्बरको जर्सी लगाउने

एजेन्सी ।

प्रिमियर लिग क्लब टोटेनहमले रियल मड्रिडका फरवार्ड ग्यारेथ बेललाई अनुबन्ध गरेको छ । वेल्सका फरवार्ड बेललाई टोटेनहमले एक सिजनका लागि लोनमा अनुबन्ध गरेको हो ।

टोटेनहमले शनिबार बेललाई सार्वजनिक गरेको छ । उनले टोटेनहममा ९ नम्बरको जर्सी लगाउने छन् । ३१ वर्षीय बेलले सन् २०१३ मा विश्व कीर्तिमानी मूल्यमा टोटेनहमबाटै रियल आएका थिए ।

उनले रियलबाट एक सय भन्दा बढी गोल गर्नुका साथै चार च्याम्पियन्स लिगको उपाधि जितेका थिए । तर, चोट र प्रशिक्षक जिनेदिन जिदानसँग चिसिएको सम्बन्धको कारण बेलले रियलमा पछिल्लो समय कम मौका पाउदै आइरहेका थिए ।

यस्तै टोटेनहमले रियलका डिफेन्डर सर्जियो रेगुइलोनलाई पनि अनुबन्ध गरेको छ । सर्जियोले टोटेनहमसँग पाँच वर्षको सम्झौता गरेका छन् ।

गत सिजन रेगुइलोनले सेभियाबाट लोनमा खेलेका थिए । रेगुइलोनले ३१ लिग खेलमा २ गोल समेत गरेका थिए ।