एजेन्सी ।
साविक विजेता बायर्न म्युनिखले जर्मन बुन्डेसलिगा फुटबलमा फराकिलो जित निकालेको छ ।
शुक्रबार राति भएको खेलमा बायर्नले साल्केलाई ८-० गोल अन्तरले पराजित गरेको हो ।
घरेलु मैदानमा बायर्नलाई जित दिलाउन सेर्जी गनाब्रीले ह्याट्रिक गरे ।
यस्तै लियोन गोर्टेज्का, रोबर्ट लेवान्डोस्की, थोमस मुलर, लोरी साने, जामल मुसिलाले एक एक गोल गरे ।
खेलको चौंथो मिनेटमा गनाब्रीले गोल गर्दै टोलीलाई अग्रता दिलाएका थिए ।
१९ औं मिनेटमा गोर्टेज्काले गोल गर्दै बायर्नलाई २(० को अग्रता दिलाए ।
खेलको ३१ औं मिनेटमा लेवान्डोस्कीले पेनाल्टीमा गोल गर्दा पहिलो हाफमा बायर्न ३(० ले अघि रह्यो ।
दोस्रो हाफमा बायर्नले थप पाँच गोल गर्यो ।
खेलको ४७ औं मिनेटमा गनाब्रीले व्यक्तिगत दोस्रो गोल गर्दा बायर्न ४(० ले अघि रह्यो ।
५९ औं मिनेटमा गनाब्रीले ह्याट्रिक पुरा गर्दा बायर्न ५(० ले अघि रह्यो ।
६९ औं मिनेटमा मुलरले गोल गर्दै बायर्नको अग्रता ६(० को बन्यो ।
क्ष्mबनभ
खेलको ७१ औं मिनेटमा डेब्यु खेलाडी सानेले गोल गर्दै बायर्नलाई ७(० को अग्रता दिलाए ।
त्यसपछि खेलको ८१ औं मिनेटमा मुसिलाले गोल गर्दै बायर्नलाई ८(० को जित दिलाए ।
जितसँगै बायर्नले सुखद सुरुवात गरेको हो । र, बायर्नले पहिलो खेलमै ३ अंक जोडेको छ ।
साल्केले भने हारबाट सुरुवात गरेको छ ।
प्रतिक्रिया