मायादेवी अनलाइन, चारनम्बर ।
कपिलवस्तुको पश्चिमी क्षेत्रका पाका नेपाल कम्युनिष्ट पार्टी (नेकपा) का नेता टिकाराम पौडेलको निधन भएको छ । शिवराज नगरपालिकाको चन्द्रौटा निवासी पौडेलको आइतबार साँझ निधन भएको पारिवारिक स्रोतले जनाएको छ ।
पौडेलको काठमाडौंमा उपचारको क्रममा आइतबार राति १० बजेको समयमा निधन भएको नगर प्रमुख नेत्रराज अधिकारीले जानकारी दिनुभयो । नगर प्रमुख अधिकारीका अनुसार उहाँमा विगत देखि नै निमोनिया भएको र पछिल्लो समय कोरोना पोजेटिभ देखिएको थियो ।
५८ बर्षीय पौडेल केही दिन देखि विरामी हुनुहुन्थ्यो । उहाँले तीन दिन पहिला फेसबुकमा स्टाटस लेख्दै आफुले तीन दिनको कडा संघर्ष पश्चात दुस्मनलाई जित्ने चरणमा रहेको बताउनुभएको थियो ।
साथै उहाँले निमोनिया, दम समेतको समस्या आफुमा रहेको फेसबुक मार्फत खुलाउनुभएको थियो । पौडेल चन्द्रौटा क्षेत्रका बौद्धिक नेतामा पर्नुहुन्छ । उहाँका तीन बहिनी छोरी र एक छोरा हुनुहुन्छ ।
प्रतिक्रिया