रुपन्देहीमा शुक्रबार थपिए ८३ संक्रमित

बुटवल ।

रुपन्देहीमा कोरोनाको ग्राफ शुक्रबार एकाएक बढेको छ । स्वास्थ्य कार्यालय रुपन्देहीले दिएको जानकारी अनुसार शुक्रबार जिल्लामा ८३ जना नयाँ संक्रमित थपिएका छन् ।

रुपन्देहीमा शुक्रबार ३३ महिला र ५० पुरुषमा संक्रमण पुष्टि भएको स्वास्थ्य कार्यालयले जनाएको छ । बुटवल उपमहानगरमा मात्र ४६ जनामा संक्रमण पुष्टि भएको रुपन्देहीको सिद्धार्थनगर नगरपालिकामा २२ जना, तिलोत्तमा नगरपालिकामा ७ जना, मायादेबी गाँउपालिकामा २ जना तथा देवदह नगरपालिका, लुम्बिनी सांस्कृतिक नगरपालिका, सुद्धोदन गांउपालिका, कोटहिमाइ गाँउपालिर्का, कन्चन गांउपालिका र सैनामैना नगरपालिकामा १, १ जना नयाँ संक्रमित थपिएका छन् ।

शुक्रबार थपिएसँगै रुपन्देहीमा संक्रमितको संख्या १५०४ जना पुगेका छन् । जिल्लामा १४ जना को्रोना संक्रमितको मृत्यु भएको छ भने ६९७ जनाले बिभिन्न आइसोलेसनमा बसेर उपचार गराईरहेका छन् ।