ज्यामिरे दहमा डुबेर एकजनाको मृत्यु

दाङ ।
दाङमा पौडी खेल्ने क्रममा डुबेर एकजनाको मृत्यु भएको छ। घोराही उपमहानगरपालिका–१३ ज्यामिरे दहमा डुबेर कलमघारी निवासी २२ वर्षिय जीवन बुढाको मृत्यु भएको हो ।

साथीहरुसँग पौडी खेल्न गएका बुढा डुबेपछि प्रहरीले मृत अवस्थामा निकालेको वडा अध्यक्ष रविलाल घर्तीले जानकारी दिए ।

बिना लाइफ ज्याकेट उनी पौडी खेल्न दहमा पस्दा डुबेको बताइएको छ। उनीसँगै गएका अन्य ६ जना भने सकुशल रहेका छन् । यसअघि ४ दिन पहिले पनि घोराही ४ अमारे सोतामा बनाइएको जलाशयमा डुबेर एक युवकको मृत्यु भएको थियो ।