साउदीमा ५२ नेपालीको कोरोनाबाट ज्यान गयो

काठमाण्डौ ।

साउदीमा कोरोनाको कारण ५२ जना नेपालीको ज्यान गएको छ । कोरोना महामारी सुरु भएपछि अहिलेसम्म साउदीमा कार्यरत ५२ जना नेपालीको ज्यान गएको साउदीका लागि नेपाली राजदूत प्रा.डा महेन्द्रप्रसाद सिंह राजपुतले जानकारी दिनुभयो ।

साउदीमा अहिलेसम्म ४ हजार १३७ जनाको ज्यान गएकोमा जसमध्ये ५२ जनाको नेपालीको ज्यान गएको हो । साउदीमा अहिलेसम्म ३ लाख २२ हजार २३७ जनामा कोरोना सङ्क्रमण पुष्टि भएको छ ।

जसमध्ये २ लाख ९८ हजार २४६ जना निको भएका छन् । साउदीमा झण्डै तीन लाख ५० हजार नेपाली श्रमिक कार्यरत छन् । जसमध्ये झण्डै २४ सय नेपालीमा अहिलेसम्म कोरोना सङ्क्रमण पुष्टि भएको गैरआवासीय नेपाली संघको स्वास्थ्य समितिले जनाएको छ ।