कपिलवस्तुको विजयनगरमा ३ जना संक्रमित थपिए

विजयनगर ।

कपिलवस्तुको विजयनगर गाउँपालिकामा थप ३ जनमा कोरोना संक्रमण पुष्टि भएको छ । गाउँपालिकाले भदौ १६ गते एक जनाको कन्ट्रयाक्ट ट्रेसिङमा आएका १९ जनाको स्वाब संकलन गरेको थियो ।

जस मध्ये ३ जनामा कोरोना भाइरस पोजेटिभ देखिएको स्वास्थ्य शाखाले जानकारी दिएको छ । कोरोना पुष्टि हुनेमा २८ वर्षीय महिला १ जना, २२ र २९ वर्षिय पुरुष २ जना रहेका छन् । अहिले उहाँहरुको स्वास्थ्य सामान्य रहेको छ ।

आजै उहाँहरुलाई आइसोलेसनमा पठाइएको स्वास्थ्य शाखा प्रमुख यज्ञ प्रसाद अधिकारीले जानकारी दिनुभएको छ ।