कपिलवस्तुको लकडाउन खुकुलो, मंगलबारबाट ८ देखि १ बजेसम्म बजार खुल्ने

मायादेवी अनलाइन, जितपुर ।

कपिलवस्तुमा लकडाउन खुकुलो पारिएको छ । यस अघि जिल्लामा जारी भएको लक डाउन सोमबार राति १२ बजे सकिँदै छ । समुदाय स्तरमा कोरोना संक्रमण फैलिएपछि मिति थप गर्दै करिब १ महिनासम्म भएको लक डाउनको मिति आज राति सकिन लागेको हो ।
आज बसेको जिल्ला कोरोना संकट ब्यवस्थापन समितीको बैठकले होटल, चियापसल तथा खाजाघर बाहेकका अन्य सबै पसलहरु खोल्ने निर्णय गरेको हो ।

यसअघि जिल्लाका सबै पसल तथा बजारहरु बन्द रहेपनि भोलिबाट बिहान ८ बजेदेखि दिउँसो १ बजेसम्म सम्पूर्ण बजारहरु खुल्ला रहने छन् । निजी सवारी साधन जोर बिजोरमा चल्ने छन भने सार्वजनिक सवारी साधन भने पूर्ण रुपमा बन्द रहने छन् ।

यो पनि पढ्नुहोस्

भदौ २३ गतेबाट उद्योग व्यवसाय सुचारु गर्न पाउनुपर्ने कपिलवस्तुका व्यवसायीको माग