कपिलवस्तुको लकडाउन आज रातिबाट सकिँदै, अब खुकुलो हुने

मायादेवी अनलाइन, जितपुर ।
कपिलवस्तुमा जारी भएको लक डाउन आज राति १२ बजे सकिँदै छ । समुदाय स्तरमा कोरोना संक्रमण फैलिएपछि मिति थप गर्दै करिब १ महिनासम्म भएको लक डाउनको मिति आज राति सकिन लागेको हो ।

लक डाउन भए पनि कोरोना संक्रमण फैलने क्रम नरोकिएपछि लक डाउनको विकल्पको बारेमा पनि छलफल हुन थालेको छ ।

यसको लागि आज दिउँसो जिल्ला विपद् ब्यवस्थापन समितिको वैठक बसेर निर्णय लिइने जिल्ला प्रशासन कार्यालयले जनाएको छ । पछिल्लो क्रममा पूर्ण लक डाउनबाट ब्याक भएर खुकुलो गर्ने या मोडालिटी परिवर्तन गर्नेबारे सुझाव आएको पनि प्रशासनले जनाएको छ ।

एक सूचना अनुसार भोलीबाट लक डाउन खुकुलो हुने छ । सार्वजनिक सवारी साधन ठप्प पारेर सरकारले निशेध गरेका बाहेकका अरु ब्यापार व्यवसाय संचालन गर्ने गरी निर्णय लिन सकिने मायादेवीलाई जानकारी हुन आएको छ ।

यसअघि हिजो जिल्लाका उद्यागी बयावसायी बाणगंगाको चार नम्बरमा भेला भएर लकडाउन नमान्ने बताइसकेका छन् । लामो समयको बन्दाबन्दीले व्यवसाय चौपट भएको हुँदा अब लकडाउन विकल्प नभएको भन्दै जसरी पनि संचालन गर्नुपर्ने भन्दै व्यवसायी एकजुट भएका हुन् ।