नव प्रभात क्लबले गजेहडामा बनाएको प्रहरी पोस्ट हस्तान्तरण

मायादेवी अनलाइन, चार नम्बर ।
पछिल्लो समय सामाजिक र मानवीय कार्यमा सक्रिय नव प्रभात युवा क्लव बाणगंगा ४ ठाकुरापुरले प्रहरी पोष्ट समेत निर्माण गरेको छ । गजेहडामा रहेको स्थायी प्रहरी चौकिमा क्लवले प्रहरी पोस्ट निर्माण गरेको हो ।

२५ हजार बढी लागतमा निर्माण भएको पोष्ठ शनिबार चौकीलाई हस्तान्तरण गरिएको क्लवका अध्यक्ष मिलन चालिसनेले मायादेवीसंग बताउनु भयो ।

हावा, घामपानी तथा कोभिड महामारीको विषम परिस्थितिमा प्रहरी लाई चौकी बाहिर डिउटी गर्न अत्यन्त कठिन भैरहेको अवस्थालाई मध्यनजर गर्दै पोस्ट निर्माण गरिएको चालिसेले बताउनु भयो ।

पोष्ट निर्माणपछि प्रहरीलाई ड्युटिमा अत्यन्त सहज भएको चौकी प्रमुख सइ ओम प्रकाश शर्माले बताउनु भयो। सदस्य जीवन आचार्यको संयोजकत्वमा पोष्ट निर्माण सम्पन्न भएको क्लवले जनाएको छ ।