मेस्सीले भने ‘म बार्सिलोनामै बस्छु, मेरो मनोवृत्ति परिवर्तन हुँदैन’

एजेन्सी ।

स्पेनिस क्लब बार्सिलोनाका कप्तान लियोनल मेस्सी क्याम्प नाउमै बस्ने भएका छन् ।फुटबलको वेबसाइट गोल डटकमसँगको अन्तर्वार्तामा मेस्सीले आफु क्लबमै बस्ने बताएका छन् ।म बार्सिलोनामा रहन्छु र मेरो मनोवृत्ति परिवर्तन हुँदैन, मेस्सीले भनेका छन्, मैले क्लब, अध्यक्षलाई भने कि म जान चाहन्छु। म हरेक वर्ष भन्दै आएको छु ।

यस अघि मेस्सीले बार्सिलोनालाई पत्र लेख्दै आफुले क्लब छाड्ने बताएका थिए । मेस्सी क्लबको प्रशिक्षणमा समेत सामेल भएका थिएनन् । मैले सोचे कि बार्सिलोना मेरो समय सकियो । दुखको कुरा म सधै मेरो करियर यहिँ अन्त्य गर्न चाहन्छु, मेस्सीले भनेका छन् ।

तर, बार्सिलोना मेस्सीलाई क्लबमै राख्ने योजनामा रहेको थियो । यस्तै बार्सिलोनाले मेस्सीको रिलिज क्लज ७ सय मिलियन युरो समेत तोकेको थियो ।कीर्तिमानी ६ पटकको बालोन डीओर विजेता मेस्सी प्रिमियर लिग क्लब म्यानचेस्टर सिटी जाने चर्चा चलेको थियो ।

पछिल्लो १० दिन मेस्सी र बार्सिलोनाबीच निकै तिक्तता देखिएको थियो । मेस्सीका एजेन्ट समेत रहेका उनका पिता जर्ज मेस्सी बुधबार बार्सिलोना आएर क्लबसँग छलफल गरेको थियो । उनले क्लबका अध्यक्ष जोसेप मारिया बर्टोमेउसँग भेट गरेका थिए ।