बुटवल ।
रुपन्देहीको गैंडहवामा शुक्रबार भएको सडक दुर्घटनामा एक जनाको मृत्यु भएको छ । गैंडहगवा गाउँपालिका वडा नम्बर ५ तेलण्डियास्थित लुम्बिनी कलौनी भित्री सडक खण्डमा गुडिरहेको मोटरसाइकल अनियन्त्रित भई पल्टिँदा दुर्घटना भएको प्रहरीले जनाएको छ ।
जिल्ला प्रहरी कार्यालय रुपन्देहीका अनुसार लु १४ प ७९४४ नम्बरको मोटरसाइकल आफैं अनियन्त्रित भई पल्टिँदा मोटरसाइकल चालक रुपन्देहीको शुद्धोधन गाउँपालिका वडा नम्बर ६ का ४० वर्षीय समुजराम केवटको मृत्यु भएको छ ।
जिल्ला प्रहरी प्रवक्ता खड्क बहादुर खत्रीका अनुसार दुर्घटनामा गम्भीर घाइते भएका केवटको उपचारको क्रममा भीम अस्पताल भैरहवामा बिहान पौने १२ बजे मृत्यु भएको हो ।
सोही दुर्घटनामा परी मोटरसाइकल पछाडि सवार सोही स्थानकी ३५ वर्षीय गिडिया केवट घाइते भएकी छन् ।
प्रहरीका अनुसार घाइते गिडियाको हात र खुट्टामा चोट लागेको र उनको भीम अस्पतालमा उपचार भइरहेको छ ।
प्रतिक्रिया