कपिलवस्तु वाणगंगाका ६ जनामा कोरोना संक्रमण पुष्टि, सबै वडा नं. १ का

मायादेवी अनलाइन, चार नम्बर ।
कपिलवस्तुको वाणगंगामा ६ जना कोरोनाका विरामी भेटिएका छन् । नगरको वडा नं. १ मा दुई महिलासहित ६ जनामा कोभिड-१९ पोजेटिभ देखिएको हो ।

विहीबार गरिएको १६ जनाको कन्ट्याक्क टे«सिङ मध्ये शुक्रबार विहान आएको रिपोर्ट अनुसार ६ जनामा कोरोना पुष्टि भएको नगरका स्वास्थ्य शाखा प्रमुख ठगराज पौडेलले जानकारी दिनुभयो ।

हिजो मात्र ट्रेसिङ भएपनि रिपोर्ट छिटो आएको शाखा प्रमुख पौडेलले मायादेवी अनलाइनलाई बताउनुभयो ।

संक्रमित सबै समुदायका हुन् भने ६ बर्ष देखि ७९ बर्षसम्मका रहेका छन् । योसंगै वाणगंगामा कोरोनाका विरामी १ सय ७ पुगेका छन् । जसमा २७ जना संक्रिय छन् । पछिल्लो समय नगरको वडा नं. १ कोरोनाबाट सबैभन्दा बढी प्रभावित बनेको छ ।