कपिलवस्तुमा थप ८ जनामा कोरोना पुष्टि

मायादेवी अनलाइन, चार नम्बर ।
कपिलवस्तुमा थप ८ जनामा कोरोना संक्रमण पुष्टी भएको छ । जिल्लाका ३ पालिकामा गरी ८ जना संक्रमित थपिएका हुन् ।

स्वास्थ्य कार्यालयका कोरोना फोकल पर्सन कुमार थापाका अनुसार शुद्धोधनमा ५, महाराजगंजमा २ र यशोधरामा एक जना संक्रमित भएका छन् ।

जिल्लामा अहिलेसम्म कुल ११ सय ४० जना कोरोना संक्रमित फेला परेका छन् । त्यस मध्ये ९ सय ४१ जना निको भई घर फर्केका छन् । अहिले जिल्लामा १ सय ९४ सकृय संक्रमित छन् ।