मायादेवी अनलाइन, जितपुर ।
मानिसहरु आफ्नो जन्मदिनमा साथी भाई मिलेर पार्टी गर्ने, पैसा खर्च गरेर खानपिन गरि जन्मदिन मनाउने गर्छन् । तर एक पुरुषले आफ्नो जन्मदिनको अवसरमा खर्च कटाएर बालगृहलाई सहयोग गरेर एक उदाहरणीय काम गरेका छन् ।
कपिलवस्तुको वाणगंगा नगरपालिका जितपुर निवासी डम्बर देव पाठकले आफ्नो जन्मदिनको अवसरमा कपिलवस्तु बालगृहका बालबालिकाहरूलाई खाद्यय सामाग्री वितरण गरेका हुन् । जय मनकामना मोटरसाइकल वक्र्सका प्रोप्राइटर समेत रहेका पाठकले जन्मदिनको अवसरमा ५० केजी चामल, ५ लिटर तेल, ३ केजी दाल सहयोग गरेका हुन ।
कोरोना महामारी तथा लकडाउनको जोखिममा पनि बालगृह सम्म पुगी उक्त सामाग्री हस्तान्तरण गरेका पाठकले बताएका छन् । सहयोगी पाठक तथा उनको सम्पूर्ण परिवारलाई नेपाल बाल संगठन कपिलवस्तु बालगृहले धन्यवाद दिएको छ ।
प्रतिक्रिया