कपिलवस्तुको वाणगंगामा अटोरिक्सा पल्टियो, एक जनाको मृत्यु

मायादेवी अनलाइन, चार नम्बर ।
कपिलवस्तुमा अटोरिक्सा दुर्घटना हुँदा एक जनाको मृत्यु भएको छ । बुधवार भएको उक्त दुर्घटनामा परी अन्य चारजना घाईते भएका छन् ।

जिल्लाको वाणगंगा नगरपालिका १० गनहा पुलस्थित भित्रि सडक खण्डमा अटोरिक्सा दुर्घटना भएको हो ।

लु १ ह २६४५ नं. को अटोरिक्सा अनियन्त्रित भई दुर्घटना हुँदा रुपन्देहीको गैडहवा गाउँपालिका ४ पौवा बस्ने ४० वर्षीय दयाशंकर चमारको मृत्यु भएको इलाका प्रहरी कार्यालय पिपराले जनाएको छ ।

घटनामा चालक टम्केश्वर चमार सामान्य घाईते भएका छन् । त्यसैगरी दुर्घटनामा गैडहवा ४ कै ५० वर्षकी भानुमति रैदाश, इन्द्रवती हरिजन र लुम्विनी साँस्कृतिक नगरपालिका ११ बस्ने ३० वर्षीय विजय चमार घाईते भएका छन् ।