नेपालगञ्जबाट भागेका कोरोना संक्रमितको सुर्खेतमा खोजी

सुर्खेत ।

नेपालगञ्जबाट कोरोना संक्रमित भागेर सुर्खेत आएपछि प्रहरीले खोजी गरिरहेको छ। कोरोना संक्रण देखिएपछि आइसोलेसनमा पठाइएको एक युवक भागेर सुर्खेत आएको प्रहरीले जनाएको छ।

आइतबार बेलुका भागेका ती युवाको नेपालगञ्ज प्रहरीले खोजी गर्दा नभेटिएपछि सुर्खेत प्रहरीलाई खबर गरेको हो।

सोमबार जिल्ला प्रहरी कार्यालय सुर्खेतलाई खबर आएको कार्यालयका प्रवक्ता प्रहरी नायब उपरीक्षक रामप्रसाद घर्तीले जानकारी दिए। भागेका युवाको खोजी कार्य जारी रहेको उनले बताए।

‘नेपालगञ्जको प्रहरी र हामीहरुले खोजिरहेका छौं, हालसम्म भेटिएको छैन,’ डिएसपी घर्तीले भने।
प्रहरी स्रोतका अनुसार उनी चोरीमा संलग्न भइरहने युवा हुन्। उनी मोटरसाइकलका मेकानिक पनि हुन्।