मायादेवी अनलाइन, चार नम्बर ।
लक डाउन भएर सडक खाली भएको अवस्थामा पनि कपिलवस्तुको बाणगंगामा सवारी दुर्घटनामा परी एक महिलाको मृत्यु भएको छ ।
पूर्वपश्चिम राजमार्ग अन्तर्गत वडा नम्बर ८ चप्परगाउँमा पुर्वबाट पश्चिम जाँदै गरेको लु.१ च. ५७९६ नम्बर जिप (पिकअप) ले आइतबार ठक्कर दिँदा बनगाई बस्ने लक्ष्मी देवी कोईरालाको मृत्युु भएको हो ।
मृतक कोइराला पैदल यात्रामा रहेको बेला अकस्मात् जिपले ठक्कर दिएको प्रहरीले बताएको छ । घाईते ७१ वर्षीया महिलालाई उपचारका लागि कपिलवस्तु सामुदायिक अस्पतालमा ल्याइए पनि बचाउन नसकिएको अस्पतालले जनाएको छ ।
ठक्कर दिने गाडी र चालकलाई नियन्त्रणमा लिइएको इलाका प्रहरी कार्यालय पिपराका इन्सपेक्टर आयुष जोशीले जानकारी दिनुभयो ।
प्रतिक्रिया