कोरोना भाइरसः विश्वभर मृत्यु हुनेको संख्या ८ लाख नाघ्यो

एजेन्सी ।
विश्व महामारी कोरोना भाइरस (कोभिड–१९) संक्रमणबाट मृत्यु हुनेको संख्या ८ लाख नाघेको छ। जोन्स होप्किन्स विश्वविद्यालयले आइतबार जारी गरेको तथ्यांकअनुसार कोरोनाबाट मृत्यु हुनेको संख्या ८ लाख ४ हजार ४ सय ३१ पुगेको छ ।

यस्तै विश्वभरी संक्रमितको संख्या दुई करोड ३२ लाख ५ हजारभन्दा बढी पुगेको छ । यसका साथै संक्रमण पुष्टि भएकाहरुमध्ये एक करोड ४८ लाखभन्दा बढी निको भएका छन् ।

कोरोना संक्रमणबाट सबैभन्दा बढी प्रभावित अमेरिकामा आइतबार बिहानसम्म ५६ लाख ६६ हजार ८ सय बढी संक्रमित छन् भने एक लाख ७६ हजार बढीको मृत्यु भएको छ ।

दोस्रो स्थानमा रहेको ब्राजिलमा ३५ लाख ८२ हजार ३ सय ६२ संक्रमित भएका छन् । एक लाख १४ हजार २ सय ५० को मृत्यु भएको छ ।

यस्तै मेक्सिकोेमा कोरोनाबाट मृत्यु हुनेको संख्या ६० हजार २ सय ५४ पुगेको छ । साथै भारतमा पनि ५६ अजार ७ सय जनाको कोरोनाबाट मृत्यु भइसकेको जनाइएको छ ।