पिएसजी महिला च्याम्पियन्स लिगको सेमिफाइनलमा, आर्सनल स्तब्ध

एजेन्सी ।
आर्सनल महिला च्याम्पियन्स लिग फुटबलको क्वाटरफाइनलबाटै बाहिरिएको छ । अन्तिम ८ अन्तर्गत शनिबार राति भएको खेलमा पेरिस सेन्ट–जर्मेन (पिएसजी) ले आर्सनललाई २–१ ले पराजित गरेको हो ।

पिएसजीका लागि मारिया–एन्तोइनेते कोतोतो र सिग्नी ब्रूनले गोल गरिन् । आर्सनलका लागि बेथ मिएडले एक गोल फर्काएकी हुन् । फाइनल प्रवेशका लागि पिएसजीले अन्तिम चारमा अर्को फ्रेन्च क्लब लियोनसँग प्रतिस्पर्धा गर्ने भएको छ ।