रोटरीको राष्ट्रिय तीज गीत प्रतियोगितामा मिडटाउन कपिलवस्तु प्रदेश प्रथम

मयादेवी अनलाइन, चार नम्बर ।

रोटरी क्लव अफ कपिलवस्तु मिड टाउन राष्ट्रिय तहमा आयोजना भएको तीज गीत प्रतियोगितामा प्रदेश ५ मा प्रथम स्थान हासिल गर्न सफल भएको छ । रोटरी इन्टरनेश्नल नेपालले तीज पर्वको अवसरमा शुक्रबार भर्चुअल प्रविधिमार्फत् लिएको अनलाइन प्रतियोगितामा प्रदेश ५ का बिभिन्न क्लवहरुलाई पछि पार्दै प्रथम हुन सफल भएको हो ।

सन्देश मुलक तीज गीतको प्रतिस्पर्धामा देशभरका बिभिन्न क्लवहरुले भाग लिएकामा कपिलवस्तु प्रदेश प्रथम हुन सफल भएकोमा क्लवले खुसी ब्यक्त गरेको छ । गीतमा तीजको मुल्य, मानयता, परमपरा, लैङ्गिक समानता, कोरोनाको असर र बच्ने उपाय इत्यादि समेटिएका थिए ।

गायनमा रोटरियन लेखा शर्मा, अन्जु अधिकारी लगायत रहनु भएको थियो भने गीत रोटरियन बासुदेव घिमिरेले लेख्नु भएको थियो । सो कार्यक्रममा मिडटाउन कपिलवस्तुका संस्थापक अध्यक्ष लक्ष्मण अधिकारी, रोटरीयन माधव भाट, मोहन बेलबासे, चन्द्रकान्त न्यौपाने लगायतको सहभागिता थियो ।