रुपन्देहीमा गठन भयो ‘क्विक रेस्पोन्स टिम’

रुपन्देही ।
कोरोनाको जोखिम बढेसंगै रुपन्देहीमा क्विक रेस्पोन्स टिम गठन गरिएको छ । पछिल्लो समय कोरोनाका संक्रमितको संख्या ह्वात्तै बढेपछि रुपन्देही जिल्ला प्रशासनको अगुवाइमा बसेको जिल्ला बिपद ब्यवस्थापन समितिकोे बैठकले यस्तो निर्णय गरेको हो ।

जिल्लामा प्रमुख जिल्ला अधिकारीको नेतृत्वमा र स्थानीय तहमा बिपद हेर्ने फोकल प्रशनको संयोजकत्वमा सुरक्षा निकायका प्रमुख सहितको क्विक रेस्पोन्स टिम गठन गरिएको जिल्ला प्रशासन कार्यालयका प्रमुख प्रशासकीय अधिकृत जनक थापाले जानकारी दिए ।

उक्त रेस्पोन्स टिमले कोरोनाका संक्रमितको उपचार र उद्धारका काममा चुस्तता दिने अनुगमन तथा सहजीकरण गर्नेछ ।