नेपालमा कोरोना संक्रमित थपिएको थपियै, आइतबार ६ सय ४१ जनामा संक्रमण पुष्टि

काठमाडौं ।

आइतबार देशका विभिन्न ठाउँमा ६ सय ४१ कोरोनाका संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका छन् । यीसहित हालसम्म संक्रमितको संख्या २६ हजार ६ सय ६० पुगेको छ ।

त्यस्तै विगत २४ घण्टामा १ सय ३४ जना निको भइ घर फर्किएको प्रवक्ता गौतमले बताए । आज निको हुनेसहित हालसम्म १७ हजार ३ सय ३५ जना कोरोनाबाट मुक्त भएका छन् । देशभर सक्रिय संक्रमितको संख्या ९ हजार २ सय २१ छ ।

त्यस्तै १ सय २ जनाको कोरोनाबाट मृत्यु भएको तथ्यांक छ । विगत २४ घण्टामा १२ हजार २ सय बढीको पिसिआर परीक्षण भएको छ ।