धानखोलामा पहिरोः पूर्वपश्चिम राजमार्ग अवरुद्ध, सिद्धार्थ राजमार्ग पनि ठप्प

बुटवल ।
अबिरल वर्षाका कारण प्रदेश ५ का बिभिन्न स्थानमा पहिरो खसेर सडक अवरुद्ध भएको छ । रातभर परेको वर्षाका कारण पूर्व पश्चिम राजमार्गको धानखोला नजिकै दोबाटामा पहिरो खसेर राजमार्ग अवरुद्ध भएको छ भने बुटवल पाल्पा खण्डको सिद्धार्थ राजमार्गमा पनि २ ठाँउमा पहिरो खसेर सडक अवरुद्ध भएको छ ।

प्रदेश ५ ट्राफिक प्रहरी कार्यालय बुटवलका अनुसार पूर्व पश्चिम राजमार्गको बिहान साढे ४ बजे देखि अवरुद्ध छ भने सिद्धार्थ राजमार्गको बुटवल पाल्पा खण्ड बिहान साढे ५ बजे देखि अवरुद्ध रहेको छ । त्यस्तै, तिनाउ गाँउपालिका जार्धारा नजिकै पनि बिहान साढे ६ बजे पहिरो खसेर सडक अवरुद्ध भएको छ ।

प्रहरीको समन्वयमा दुबै राजमार्गमा पहिरो हटाउने काम सुरु भएको प्रहरीले जनाएको छ । राजमार्ग सुचारु नहुँदा सम्म सो राजमार्गको बाटो यात्रा तय नगर्न ट्राफिक प्रहरीले आग्रह गरेको छ ।