मायादेवी अनलाइन, जीतपुर ।
मायादेवीकर्मी थानेश्वर अधिकारीले (कोभिड–१९) हिरो अवार्ड प्राप्त गर्नुभएको छ । नवछहारी सामाजिक विकास संस्थाद्धारा सञ्चालित रेडियो मायादेवी १०६ थोप्लो १ मेगाहर्जको कार्यकारी निर्देशक समेत रहनुभएका अधिकारी अमेरिकामा रहेको हामी नेपाली ग्लोवल नामक अन्तराष्ट्रिय संस्थाले सो सम्मान गरेको हो ।
बिश्व महामारीको रुपमा फैलिएको (कोभिड-१९) कोरोना भाइरसबाट बच्न बिभिन्न किसिमका सचेतनामुलक कार्यक्रम संचालन, क्वारेन्टाइन व्यवस्थापनमा सहयोग र मिडियाका माध्यमबाट समाचार सम्प्रेषण लगायतका काममा निरन्तर लागेर सहयोग गरेको भन्दै उक्त संस्थाले सो सम्मान स्वरुप अवार्ड प्रदान गरेको जनाइएको छ ।
अधिकारी सानै उमेर देखि सामाजिक सेवामा क्रियाशिल हुनुहुन्छ । कास्कीमा जन्मनुभएका अधिकारीले पछिल्लो समय कपिलवस्तुलाई कर्मथलो बनाउँदै आउनुभएको छ ।
अधिकारी एक दर्जन बढी संघसंस्थामा आवद्ध हुनुहुन्छ । सम्मान प्राप्त पछि अधिकारीले सम्मानले आफुलाई सामाजिक काममा लाग्न प्रेरणा मिलेको र आगामी दिनमा पनि निरन्तर रुपमा मानवीय सहयोगका लागि समर्पित हुने प्रतिवद्धता जनाउनुभएको छ ।
प्रतिक्रिया