मायादेवी अनलाइन, चार नम्बर ।
कपिलवस्तुको बाणगंगा नगरपालिकाले नेपालकै उत्कृष्ट नगरपालिकाको पुरस्कार पाएको छ । नगरपालिकाले गरेका बिभिन्न कार्यहरुमध्ये आर्थिक बर्ष २०७५ । ७६ मा गरेको शुसासन प्रवाहको क्षेत्रमा उत्कृष्ट कार्य सम्पादन गरेबापत नेपाल नगरपालिका संघले बाणगंगा नगरलाई सो पुरस्कार दिएको हो ।
संघका अध्यक्ष अशोक ब्यञ्जनकारले नगरपालिकाका उप प्रमुख चक्र अर्याललाई आइतबार सो पुरस्कार प्रदान गर्नु भयो । काभ्रेमा भएको संघको २८ औँ बार्षिकोत्सवको अवसरमा पुरस्स्कर ग्रहण गरेको उपमेयर चक्र अर्यालले मायादेवी अनलाइनलाई जनाउनु भयो । पुरस्कार ग्रहण गर्न प्रमुख प्रशासकीय अधिकृत चुरामणी पन्थी पनि काभ्रे जानु भएको थियो ।
यसैबीच पुरस्कार ग्रहण गर्दै उपप्रमुख अर्यालले सबैको मिहिनेत र प्रयासबाट नगरले यो सफलता पाएको बताउँदै सबै जनप्रतिनिधि, कर्मचारी र नगरबासीलाई यसको जस जाने बताउनु भयो ।
वि सं २०७२ मंसिर १४ गते जर्वजस्त घोषणा भएको नगरपालिकाले ५ बर्षको अवधिमा बिभिन्न पुरस्कारहरु पाएको छ । यही हप्ता नगरले आर्थिक बर्ष २०७५ । ७६ मा बेरुजु नभएकोमध्ये नेपालमै दोश्रो नगरपालिका भएर गौरव कायम गरेको छ ।
यो नगरपालिका यसअघि पनि प्रदेश ५ को दोश्रो उत्कृष्ट नगरपालिका भइसकेको छ । बाणगंगा आ व ७४ । ७५ मा पनि वेरुजु अन्त्यमा प्रदेश ५ को दोश्रो स्थानीय तह बनेको थियो । बाणगंगा बिश्वका उत्कृष्ट १०० नगरभित्र पनि पर्न सफल नगरपालिका पनि हो ।
प्रतिक्रिया