९ मंसिर २०८१, आइतबार | Sun Nov 24 2024

कोरोनाबाट विश्वभर १ करोड ५९ लाख संक्रमित, ६० प्रतिशत बढी निको



काठमाडौं ।
विश्वभर १ करोड ५९ लाखभन्दा बढी मानिसमा कोरोना भाइरसको संक्रमण देखिए पनि ६० प्रतिशत बढी निको भएका छन् ।

पछिल्लो एक दिनमा २ लाख ८८ हजार २५४ जनामा संक्रमण देखिए छ । योसँगै शनिबार विहानसम्म विश्वभर संक्रमित हुनेको संख्या १ करोड ५९ लाख ३० हजार ६७१ पुगेको छ ।

यसमध्ये ६०.९८ प्रतिशत संक्रमित उपचारपछि निको भएको वर्ल्डोमिटर्सले जनाएको छ । अर्थात यो समाचार तयार पार्दासम्म निको हुने संक्रमितको संख्या ९७ लाख १५ हजार ९८३ छ ।

पछिल्लो २४ घण्टामा ६ हजार १८२ जनाको कोरोना संक्रमणबाटै मृत्यु भएको छ । योसँगै मृत्यु हुनेको संख्या ६ लाख ४१ हजार ८६८ पुगेको छ । मृतक संख्या कुल संक्रमितको ४ दशमलव ०२९ प्रतिशत हो ।

प्रकाशित मिति : १० श्रावण २०७७ शनिबार ००:००  ८ : ०९ बजे