लिभरपुल कप्तान हेन्डरसन वर्ष खेलाडी

एजेन्सी ।
लिभरपुल कप्तान जोर्डन हेन्डरसनले शुक्रबार फुटबल लेखक संघको वर्ष खेलाडी अवार्ड जितेका छन् । उनको नेतृत्वमा लिभरपुलले ३० वर्षयता पहिलोपल्ट लिग उपाधि जितेको थियो ।

‘म निकै खुसी छु र यो अवार्डको श्रेय म सबै साथी खेलाडीलाई पनि दिन चाहन्छु । लिभरपुलका सबै खेलाडीले यसपल्ट राम्रो गरेका छन्,’ ३० वर्षीय मिडफिल्डर हेन्डरसनले भनेका छन् ।

फुटबल लेखकले तयार पारेको वर्षका उत्कृष्ट खेलाडी सूचीको शीर्ष पाँचमा परेका अन्य खेलाडीमा लिभरपुलका भर्जिल भान डायक, साडियो माने, म्यानचेस्टर सिटीका केभिन डे ब्रुन र म्यानचेस्टर युनाइटे डका मार्कस रसफोर्ड रहेका छन् ।