आर्सनल एस्टोन भिल्लासँग पराजित

एजेन्सी ।
प्रिमियर लिग फुटबलमा आर्सनल एस्टोन भिल्लासँग पराजित भएको छ । मंगलबार राति भएको खेलमा आर्सनल एस्टोन भिल्लासँग १–० गोल अन्तरले पराजित भएको हो ।

घरेलु मैदानमा भएको खेल एस्टोन भिल्लाका लागि रेलिगेसन जोनबाट बच्नका लागि महत्वपूर्ण मानिएको थियो । एस्टोन भिल्लालाई जित दिलाउन टिमका लागि ट्रेगिच्युटको एक गोल नै पर्याप्त बन्यो ।

उनले खेलको २७ औं मिनेटमा गोल गर्दै टिमलाई जित दिलाए । जितसँगै एस्टोन भिल्ला रेलिगेसन जोनबाट बाहिरिएको छ ।

एस्टोन भिल्ला ३७ खेलबाट ३४ अंक जोड्दै १७ औँ स्थानमा छ । पराजित आर्सनल ५३ अंकसहित १० औँ स्थानमा रहेको छ ।