मायादेवी अनलाइन, चार नम्बर ।
विद्युतीय प्रणालीमा फेरबदल गर्न समय लाग्दा ४८ घण्टासम्म अवरुद्ध हुन पुगेको सामुदायिक रेडियो मायादेवी १०६ थोप्लो १ मेगाहर्जको नियमित प्रशारण पुनः सुरु भएको छ ।
कपिलवस्तुस्थित बाणगंगा नगरपालिकाको चार नम्बर सिद्धिपुरमा कार्यालय रहेको रेडियोमा अचानक विद्युतीय समस्या आएपछि सोमबार रातिबाट प्रशारण अवरुद्ध भएको थियो ।
दुई दिनसम्मको आन्तरिक कार्य पछि बुधबार विहानबाट रेडियो पुनः संचालनमा आएको हो । रेडियो संचालनमा ल्याउन अहोरात्र मिहिनेत गर्ने इलेक्ट्रिक इन्जिनियर, प्राविधिक, प्राधिकरणका कर्मचारी सबैलाई नव छहारी सामाजिक संस्थाका अध्यक्ष नन्द किशोर शुक्लाले धन्यवाद दिनु भएको छ ।
यो बीचमा श्रोतावर्ग, विज्ञापनदाता तथा शुभेच्छुक, शुभचिन्तकप्रति पर्न गएको असुविधा र असरप्रति प्रशासन क्षमाप्रार्थी रहेको रेडियोका स्टेशन म्यानेजर चन्द्रकान्त न्यौपानेले बताउनु भयो ।
सामाजिक रुपान्तरणको लागि हाम्रो प्रयास भन्ने श्लोगनसहित दैनिक १८ घण्टा प्रशारण हुँदै प्रदेश ५ कै फरक धारको विद्युतीय संचारमाध्यमको रुपमा स्थापित रेडियो मायादेवीले अबको प्रशारणमा थप फरकपनको महशुस दिलाउने न्यौपानेले बताउनु भयो ।
प्रतिक्रिया